сборник документов

[ Cкачайте файл, чтобы посмотреть ссылку ]


2. Духовная грамота Патрикея Строева
Подлинник на пергамене 13921427 гг
Во имя отца и сына и евятаго духа. Са яз, раб божеи Патрекеи, отходя сего света, своим целым умом пишю грамоту душевную, где ми што взяти, кому што дати.
Взяти ми на Пануте рубль, на полтину косити ему искос, на полтину взяти два борана. Взяти ми на брате на Панутине на Онисиме полтину, на то взяти искос. Взяти ми у Ермака у Огофонова полтину да две овчины. Взяти ми у Фоки да у Пантелека полтину да овчину. Взяти ми в Охотине на Устинке полтину да боров. Взяти ми на Якуше на попове зяте на Офонасове семь гривен.
А дати ми Фегносту два рубля. Дати ми Васияну Ондронову полтину. Дати ми Костецу брату четыре рубли. Дати ми на Москву кому Климу четыре гривны.
А дал есмь двем своим сыном болшим Доронке да Фетку кобылка гнеда лонская, а Доронке кобыла гнеда да корова пестрая болшая, да вол бурой, да другой черной.
А жене моей своими дтми кобыла савраса жеребятем, да кобылка голуба, да две коровы, черная да бурая, да вол редр.
А што моего хлеба, ржи ли яри ли; то им по жеребием. А што им оеяти ныне рожь в земле, то им по половинам.
А двое конев есмь велел брату своему Костену продати, да долг заплатити, жеребчик ворон да кобылу карую.
А по своей душе дал есмь село Игнатьевское да трои пчелы святой Троице в монастырь.
А приказал есмь свою жену и свои дтки и где што взяти, кому што дати, брату своему Костену.
А над головою сидбл отец мои душевны игумен Никон.
А на то послуси: Иван Беклемишев, Клим Данилов, Клим Молотило, да Пантельи.
А грамоту душевную писал Васук попов сын Иванов.
А запечатали есмь вси послуси одною печатью хресцем.
На обороте: А по се душевное брата моего, што ми велел двое (коньв продати да долг заплатити, и яз их продал да заплатил долг: Парфенью дал е три рубли, досталь земиово серебра, Фегнасту заплатил игумнову сыну два рубля, Касьяну рубль заплатил. У Ермака взята полтина да плачена Васьяну старецу да две овчины Ондронову сыну. На Фоке да на Пантелеике взято полтина.
На грамоте на шелковой пряди остатки вислой свет- ловосковой печати с рисунком «крестца».
Акты социально-экономической истории Северо - Восточной Руси. М., 1952, т. 1, № 11.

5. Духовная грамота (первая) великого князя Дмитрия Ивановича
Подлинник на пергамене Около 1375 г
...то ...м дет ...скую свободу, Руза. У... д. Вышегород, Истерва, Дмитриева свобода... ми селы, и з бортники, и с оброчники, и с мыты. А что буде прикупил сел или примыслил, или починков, или которая будуть села отца моего великом княженье купля, или моя села купленая, или брата моего села, княжи Ивановы, те села и починки сыну моему, князю Василью, и моей княгини и моим детем.
А чим мене благословил отець мои, князь великии, которым золотом, суды или доспех, или что яз примыслил, то золото, и шапку золотую, и чепь, и сабли золотые, и порты саженые, и суды золотые, и серебреные суды, и кони, и жеребьци, и стада своя, дал есмь своему сыну, князю Василью, и своей княгини, и своим детем.
А что отець мои, князь великии, сдал село Павловское к святому Олександру, а к святей Богородици на Круцицю четвертую часть ис тамги ис коломеньское, а костки мооковьскые к святей Богородици на Москве и к святому Михаило, а того не подвигнуть.
А что моихъ казначеев, или посельских, и тивунов, и деяков, хто что от мене ведали, те все сыну моему, князю Василью, ни моей княгини, ни моим детям не надобны. А что моих людии купленых, а тым дал есмь свободу, а сын мои, князь Василии, и моя княгини, ни мои дети не приимають их.
А сю грамоту писал есмь собе душевную и явил есмь отцю своему Олексею, митрополиту всея Руси. И отець мои Олексеи, митрополит всея Руси, и печать свою привесил к сеи грамоте.
А послуси на сю грамоту: Тимофеи околничии... Иванъ Родивонович, Иван Федорович, Федор Ондреевич.
А грамоту писал дьяк Нестер.
А что иметь сю грамоту чим рушати ...души.
На лицевой стороне грамоты привешены две серебряные позолоченые печати: великого князя Дмитрия Ивановича и митрополита Алексея.
Духовные и договорные грамоты великих и удельных князей XIVXVI вв., № 8.

5а. Духовная грамота (вторая) великого князя Дмитрия Ивановича
Подлинник на пергамене 1389 г. 13 апреля 16 мая
Во имя отца и сына и святаго духа, се яз, грешный худыи раб божий Дмитрии Иванович, пишю грамоту душевную целым своим умом. Даю ряд сыном своим и своей княгини.
Приказываю дети свои своей княгине. А вы, дети мои, жывите заодин, а матери своее слушайте во всем. А приказываю отчину свою Москву детям своим, княно Василью, князю Юрью, князю Андрею, князю Петру. А брат мои, князь Володимер, ведает свою треть, чем его благословил отець его, князь Аньдреи. А сына своего, князя Василья, благословляю на старишии путь в городе и в станех моего удела двою жеребьев половина, а трем сыном моим половина, и в пошлинах вгородских половина. А тамга из двою моих жеребьев княгине моей половина, а сыном моим половина. А иоемьничее мои два жеребья княгине моей. А на старишии путь сыну моему, князю Василью, Василцево сто и Добрятиньская борть с селом з Добрятиньским. А бортъници вь станех в городских, и конюшии путь, и соколничии, и ловчии, тем сынове мои поделиться ровно. А численых людии моих двою жеребьев сыном моим по частей, а блюдут с одиного.
А се даю сыну своему, князю Василью, Коломну со всеми волостми, и с тамгою, и с мыты, и з бортью, и с селы, и со всеми пошлинами. А волости Коломеньские: Мещерка, Раменка, Песочна, Брашева с селцем з Гвоздною и с Иванем, Гжеля, деревни Левичин, Скулнев, Маковець, Канев, Кочема, Комарев з берегом, Голодна, Похряне, Усть-Мерьско. А из Московъских сел даю сыну своему, князю Василью: Митин починок, Малаховъское, Костянтиновъское, Жырошкины деревни, Островъское, Оринииьское, Копотеньское, Хвостовъское, у города луг Великии за рекою. А из Юрьевъскихселдаю сыну своему, князю Василью: своего прикупа Красное село с Елезаровъским, с Проватовым, да село Василевъское в Ростове.
А се даю сыну своему, князю Юрыо, Звенигород со всеми волостми, и с тамгою, и с мыты, и з бортью, и с селы, и со всеми пошлинами. А волости Звенигородские: Скирменово з Белми, Троена, Негуча, Сурожык, Замошъская слобода, Юрьева слобода, Руза городок, Ростовци, Кремична, Фоминьское, Угож, Суходол сЫстею, и с Истервою, Вышегород, Плеснь, Дмитриева слободка. А из Московъских сел даю сыну своему, князю Юрыо: село Михалевъское, да Домантовъское, да луг Ходыньскии. А изъ Юрьевъских сел ему: прикупа моего село Кузмыдемъянское, да Красного села починок за Везкою придал еом к Кузмыдемъяньскому, да село Богородицьское в Ростове.
А се даю сыну своему, князю Андрею, Можаеск со всеми волостми, и с тамгою, и с мыты, и з бортью, и с селы, и со всеми пошлинами, и с отьездными волостми. А волости Можаиские: Исмея, Числов, Боянь, Берестов, Поротва, Колоча, Тушков, Вышнее, Глиньское, Пневичи с Загорьем, Болонеск. А Коржань да Моишин холм придал есмь к Можайску. А севолости отъездные: Верея, Рудь, Гордошевичи, Гремичи, Заберега, Сушов, да село Репиньское, да Ивановъское Васильевича въ Гремичах. А Колуга и Роща сыну же моему, князю Андрею. И что вытягал боярин мои Федор Андреевич на обчем рете Тов и Медынь у смолнян, а то сыну же моему, князю Андрею. А из Московъских сел ему: Напрудьское село да Лудиньское на Яузе с мелющею, Деуниньское, Хвостовьакое в Перемышле, да луг Боровъскии, а другии противу Воскресенья. А изъ Юрьевъских сел ему Олексиньское село на Пекше.
А се даю сыну своему, князю Петру, Дмитров со всеми волостми, и с селы, и со всеми пошлинами, и с тамгою, и с мыты, и з бортью. А се Дмитровъские волости: Вышегород, Берендеева слобода, Лутосна с отъездъцем, Инобаш. А из Московъских волостии князю Петру: Мушкова гора, Ижво, Раменка, слободка княжа Иванова, Вори, Корзенево, Рогож, Загарье, Вохна, Селна, Гуслеця, Шерна городок. А из Московъских сел князю Петру: Новое село, Сулишин погост. А из Юрьевскихих сел ему прикупа моего село Богородицькое на Богоне
А се даю сыну своему, князю Ивану: Раменеице с бортники и что к нему потягло, да Зверковъское село с Сохоньским починком, что отошло ото князя от Володимера. А Сохна сыну же моему, князю Ивану. А в том уделе волен сын мои, князь Иван, который брат до него будет добр, тому даст.
А се благословляю сына своего, князя Василья, своею отчиною, великим княженьем.
А сына своего благославляю, князя Юрья, своего деда куплею, Галичем, со всеми волостми, и с селы, и со нсеми пошлинами, и с теми селы, которые тягли к Костроме, Микульское и Борисовъское.
А сына своего, князя Андрея, благословляю куплею же деда своего, Белымозером, со всеми волостми, и Вольским с Шаготью, и Милолюбъскии ез, и с слободками, что были детии моих.
А сына своего, князя Петра, благословляю куплею же своего деда, Углечим полем, и что к нему потягло, да Тошною и Сямою.
А се даю своей княгине из великого княженья у сына у своего, у князя у Василья, ис Переяславля Юлку, а ис Костромы Иледам с Комелою, а у князя у Юрья из Галича Соль, у князя у Ондрея из Белаозеря Вольские с Шаготью и Милолюбьскии ез. А из Володимерских сел княгине моей Оньдреевьское село, а ис Переяславъских сел Доброе село, и что к ним потягло. А изъ удела сына своего, княжа Васильева: Канев, Песочну, а ис сел Малиньское село, Лысцево. А ис княжа удела из Юрьева: Юрьева слобода, Суходол с-Ыетею, с-Ыстервою, да село Оньдреевьское, да Каменьское. А изо княжа удела из Ондреева: Верея, да Числов, да село Луциньское на Яузе с мелницею. А из княжа удела ис Петрова: Ижво да Сяма. А что есм дал своей княгине из удела сына своего, княжа Васильева и изо княжа из Юрьева, изо княжа из Оньдреева, изо княжа ис Петрова, волости и села, а что бог розмыслит о моей княгине, и те волости и села во чьем уделе, то тому и есть.
А се даю своей княгине: свои примысл Скирменовъ- скую слободку с Шепковым, Смоляные с Митяевъеким починком, и з бортью, с Вышегородскими бортъники, Кропивну з бортники с Кропивеньскими и с Исмень- скими, и з Гордошевъскими, и с Рудьскими, Желескова слободка з бортью, с-Ывановым селом с Хороброва, Исконьская слободка, Кузовъская слободка, и что княгини моее прикуп, и что к ней потянуло, что моей княгине. А по которая места слободьские волостели судили те слободы при мне, и княгини моее волостели судят по та же места, как было при мне. А что княгини моее купля Лохно, то ее и есть. А на Коломне мои примысл Самоилецев починок з деревнями, Савельевъский починок, Микулинское село, Бабышево, Ослебятевъское, а то княгини моей. А что ее село Репеньское и прикуп, то ее и есть. А из Московъских сел даю своей княгине: Семциньское село с Ходыньскою мелницею, да Остафь- евъекое село, да Илмовьское. А из Юрьевъских сел даю ей: куплю свою Петровъское село, да Фроловъское, да Елох. А Холхол и Заячков, то моей княгине. А что ми дала княгиня Федосья Суду на Белеозере, да Колашну, и Слободку, и что благословила княгиню мою Городком да Волочком, та места ведает княгиня Федосья до своего живота, а по ее жывоте то княгине моей. А теми своими примыслы всеми благословляю княгиню свою, а в тех примыслех волна моя княгини, сыну ли которому даст, по души ли даст. А дети мои в то не въступа ютъея.
А которые деревни отоимал был князь Володимер от Лыткиньского села княгини моее к Берендееве слободе, а те деревни потянут к Лытъкиньскому селу моее княгини.
А по грехом, которого сына моего бог отъимет, и княгини моя поделит того уделом сынов моих. Которому что даст, то тому и есть, а дети мои из ее воли не вы-муться.
А даст ми бог сына, и княгини моя поделит его, возмя по части у болшие его братья.
А у которого сына моего убудет отчины, чем есм его благословил, и княгини моя поделит сынов моих из их уделов. А вы, дети мои, матери слушайте.
А по грехом, отъимет бог сына моего, князя Василья, а хто будет под тем сын мои, ино тому сыну моему княж Васильев удел, а того, уделом поделит их моя княгиня. А вы, дети мои, слушайте своее матери, что кому даст, по тому и есть.
А коли детем моим взяти дань на своей отчине, чем сем их благословил, и сын мои, князь Василеи, возмет с своего удела с Коломны и со всех Коломеньских нолостии триста руб. и сорок и два руб. и княгини моя даст ему в то серебро с Песочны 50 руб. без трех, а с Канева дватцять руб. и два руб. А князь Юрьи возмемт с Звенигорода и со всех с Звенигородских волостии двесте руб. и семьдесят руб. и два руб. и княгини моя даст ему в то серебро с Юрьевы слободы пятьдесят руб., а с Суходола полпятадесять руб., а с Смоляных 9 руб., а с Скирменовъские слободки 9 руб. А князь Ондреи возмет с Можайска и со всех волостии Можайских сто руб., и семьдесят руб. бес трех, а с отьездных мест семьдесят руб. без дву, и княгини моя даст ему и то серебро дватцять руб. и полтретья руб. с Вереи, а с Числова полоома руб., а с Заячкова двадцять руб. и два, с Холъхла десять руб., а с Желесковы 9 руб., с Исконьские слободки полсема руб., съ Кропивны пол- сема руб. А князь Петр возмет с своего удела сто руб., и одиннатцять, и княгини моя даст ему в то серебро с Ижва тритцять руб. А князь Иван даст князю Ва- силыо с Сохны пять руб., а съ Раменеиця даст князю 11етру пять руб. А то возмут в тысячю руб., а будет боле или менши, ино по тому разочту.
А переменит бог Орду, дети мои не имут давати выхода в Орду, и который сын мои возмет дань на своем уделе, то тому и есть. А что есм подавал своей княгине полости и села из уделов дети и своих, и свои примысл, и слободы и села, и Холхол, и Заячков, и с тех волостии, и с слобод, и с сел что возмет княгини моя, то ей и есть. А дети мои в то не въступаютъся.
А ис тех волостии, и слобод, и сел, что есм вымал у детии своих из уделов, а подавал княгине своей, а кому будет жалоба сиротам на волостели, и тем людем учинит исправу княгини моя. А дети мои в то не въступаютъся.
А что есм дал сыну своему, князю Аньдрею, Заберегу, за то дети мои вси дают оброк святому Спасу пятьнатдять руб. на год на сласов день.
А се благословляю детии своих. Сыну моему старишему, князю Василью: икона Парамшина дела, чепь золота, что ми дала княгини Василиса, пояс золот велики с каменьем без ремени, пояс золот с ременем Макарова дела, бармы, шапка золота.
А сыну моему, князю Юрью: пояс золот новый с каменьем с жомчюгом без ремени, пояс золот Шишкина дела, вотола сажена.
А сыну моему, князю Оньдрею: снаст золота, пояс золот старый новгородский.
А сыну моему, князю Петру: пояс золот с каменьем пегии, пояс золот с калитою да с тузлуки, да наплечки, да алам.
А сыну моему, князю Ивану: пояс золот татаур, да два ковша золоты по две гривенки.
А что ся останет золото, или серебро, или иное что но есть, то все моей княгине.
А что ся останет стад моих, тем моя княгини поделиться с моими детии по частем.
А хто будет моих казначеев, или хто будет моих дьяков прибыток мои от мене ведал, или посельских, или тиунов, или хто женилъся у тех, те все не надобе моей княгине и моим детем.
А приказал есм свои дети своей княгине. А вы, дети мои, слушайте своее матери во всем, из ее воли не выступаитеся ни в чем. А который сын мои не имет слушати свое матери, а будет не в ее воли, на том не будет моего благословенья.
А дети мои молодшая, братья княжы Васильевы, чтите и слушайте своего брата старишего, князя Василья, в мое место, своего отця. А сын мои, князь Василии, держыт своего брата, князя Юрья, и свою братью молодшюю в братьстве, без обиды.
А хто моих бояр имеет служыти моей княгине, тех бояр, дети мои, блюдите с одиного.
А хто сю грамоту мою порушит, судит ему бог, а не будет на нем милости божии, ни моего благословенья ни в сии век, ни в будущии.
А писал еом сю грамоту перед своими отци: перед игуменом перед Сергием, перед игуменом перед Савастьяном.
А туто были бояре наши: Дмитрии Михайлович, Тимофеи Васильевич, Иван Родивонович, Семен Васильевич, Иван Федорович, Олександр Аньдреевич, Федор Аньдреевич, Федор Аньдреевич, Иван Федорович, Иван Аньдреевич.
А писал Внук.
На лицевой стороне грамоты привешена серебряная позолоченная печать великого князя Дмитрия Ивановича.
Духовные и договорные грамоты великих и удельных князей XIVXVI вв., № 12.


9. Жалованная данная и тарханно-несудимая грамота великого князя рязанского Олега Ивановича игумену Ольгова монастыря Арсению на село Арестовское
Подлинник Около 1371 г.
Милосердеемь божьим, молитвою святое богородици, и молитвою отця своего князя великого Ивана Олександровича, и благословеньемь епискупа рязаньского и муромского Василья, яз, князь великии Олег Ивановичу сгадав есмь с своимь отцемь с владыкою с Васильемь и с своими бояры, а бояре со мною были: Софонии Алтыкулачевич, Семен Федоровичь, Микита Аньдреевнчь, Тимошь Олекеандровичь, Манасея дядько, Юрьи околничии Юрьи чашьник, Семен Микиты с братьею, Павел Соробичь, дал есмь отцю своему Арсеныо манастырь святое Богородици, на Олгове в свободь, до его живота, а по своемь животе волен кого онь благословить на игуменьство. А дал есмь святои Богородици дому Арестовское село, с винами, и с поличьным, и с резанъкою, и с шестьюдесят, и со всеми пошлинами, и с бортники, и с бортными землями, и с поземом, и с озеры, и с бобры и с перевесьищн.

А возрев есмь в давныи грамоты, с отцемь своимь с владыкою с Васильемь и с бояры, коли ставили по первых прадеди наши святую Богородицю, князь великии Инъгвар, князь Олег, князь Юрьи, а с ними бояр 300, а мужии 600, тогды дали святой Богородици дому 9 земль бортных, а 5 погостов: Песочна, а в ней 300 семии, Холохолна, а в ней полтораста семии, Заячины, а в ней 200 семии, Веприя, 200 семии, Заячков, 100 и 60 семии, а си вон погосты с землями с бортными, и с поземом, и с озеры, и с бобры, и с перевесьищи, с резан-ками, и с шестьюдесят, и с винами, и с поличным, и со всеми пошлинами. А хто даных людии прадеды нашими святой Богородици дому где имуть седети, или бортници, или слободичь, в моей отчине, ать знають дом святой Богородици; а волостели мои ать не всупаются в них ни о которомь же деле. А Головчин дал Федор Борисовичь, а Мордовское дал Климент по Данилов двор, а Еремеи Великии с Глебом селя свои подавали госпожи Богородици, а мужи Олговскую околицю, купивше у муромьоких князии, давше 300 гривен, а дали святои Богородици.
И яз, князь великии Олег Ивановичь, што есмь дал Арестовское село святое Богородици дому, и што прадеди наши подавали которая места и люди, и што бояре подавали дому святой Богородици, того хочю боронити, а не обидети начимь дому святой Богородици; а волостели и даньииЦи, и ямыцики ать не заимают богородицьских люди и ни про што же; а кто изобидит дом святой Богородици, или князь, или владыка, или волостель, или кто иныи, тот дасть ответь перед богомь святой госпоже Богородици.
А коли есмь выехал из отчины ис своее, ис Переяславля, тогда еси обет учинил: к святей госпожи Богородици придал есм рязаньское мыто и побережьное, аже ми даст господь бог быти в отчине своей в Переяславли.
Памятники русского права. М., 1955, вып. 3, с. 9697.


10. Жалованная данная грамота дмитровского князя Петра Дмитриевича Троицкого монастыря игумену Никону на омут Терменевский с исключительным правом ловли рыбы и бобров в нем и по р. Воре вдоль монастырской земли
Подлинник 1423 г. 4 августа
Се яз, князь Петр Дмитриевичь, пожаловал есмь игумена Никона святыя Троици Серьгеева монастыря, или кто будет ин игумен по нем, и его братью, дал есмь им в моей отчине в Воре, а на реце на Воре, же, омут Терьменевьскои рыбы ловити, да и бобры ловити. Так же дал есмь им по реце по Воре по их земле от речки от Талицн до Лепетни рыбы ловити, да и бобры ловити. А мои рыболове и мои бобровьници туде на меня рыб не ловят, ни бобров.
А через сию мою грамоту кто имет туде рыбы ловити или бобры в омуте в Терьменевьском да и по реце по Воре, куда есмь их пожаловал, ино заповеди два рубля, а от меня быти ему в казни.
А дана грамота в лето 6000 ... 900 ... 31-ё августа в 4 день.
На обороте: Федор Ивановичь.
На отгибе грамоты светловосковая печать.
Акты социально-экономической истории Северо-Восточной Руси, т. I, № 40,.


11. Жалованная тарханная и несудимая грамота волоцкого князя Бориса Васильевича Симонова монастыря архимандриту Евсевию на монастырские села Кортинское, Кусакинское и Неверове с деревнями, на Волоке Ламском
Подлинник Около 146569 гг.
Пречистые ради богородици и честнаго ея успенья, по отца своего грамоте великого князя Василья Васильевича, се яз, князь Борис Васильевичу пожаловал есми Оимановского архимандрита Евсевья и з братею, или кто по нем будет иныи хто архимандрит. Что их села на Волоце-Кортинское, да Кусакинское и зс деревнями, да Богородитцкое Василевское село Неверова и з деревнями, и хто у них на тех землях имет жити людей, ино им на надобе ям, ни подвода, ни мыт, ни костки, ни тамга, ни восмничее, ни коня моего не кормят, ни луга не косят, ни к сотцким, ни к дворъским не тянут ни в какие проторы, ни порътного не дают, ни двора не ставят, ни дров не гонят, ни иные никоторые пошлины им не надобе. А намесници мои волотцкие и их тивуни на те земли к манастырьским людем не ьсылают ни по что, ни кормов на них не емлют, ни судят их ни в чем, опричь душегубства. А мои праведчики и доводчики поборов на них не берут. А ведает и судит архимандрит свои люди сам, или кому прикажет. А случится суд смеснои их людем с городцкими людми, и намесници мои и их тивуни судят, а архимандрит с ними судит, или его приказник. А будет прав или виноват монастырьскои человек, ино его ведает архимандрит, или его приказник, собе и в правде и в вине, а намесници мои и их тивуни не въступаются в манастырьского человека ни в правого, ни в виноватого; а архимандрит в их человека не вступается. А через сю мою грамоту кто что на них возмет или их чем изобидит, быти ему от меня, от князя Бориса Васильевича, в казни.
На обороте: Князь Борис Васильевичь.
На отгибе грамоты желтовосковая печать князя Бориca Васильевича.
Акты социально-экономической истории Северо-Восточной Руси. М., 1958, т. 2, № 382.


20. Мировая докладная грамота (с доклада князю Михаилу Андреевичу) И. Г. Монастырева и его детей с старцами Кирилло-Белозерского монастыря о полюбовном разграничении их владений
Подлинник Около 14701486 гг.
Доложа огосударя князя Михаила Андреевича, се яз, Иван Григорьевичь Манастырев, с своими детми, с Данилом да с Васильем, кончяли есми промеж себя с старци с кириловскими с Мартимьяном, да с Гаври- лом, да с Кирилом, да с Марком. Что яз, Иван, сослал с земли старця Митрофана, и мы промеж себя с старци кончяли: что старцем у меня, у Ивана, и у моих детей, у Данила и у Василья, в мою землю не вступатись от наволока да по речки по Бонеме вверх, да от озерка от Бонемского и за озерко по Великои мох; ино левая сторона речки манастырьская, кириловская, а правая сторона речки Бонемы моя земля Иванова; ино старцем кириловским на мою землю на Иванову на правую сторону речки Бонемы не лести, ни вступатись, а мне, Ивану, и моим детем, Данилу да Василыо, на манастырьскую землю, на левую сторону речки Бонемы, не лести, ни вступатись.
А на докладе был у князя Михаила Андреевича боярин его князь Василеи Васильевичь Ромодановскои.
Князь Михаило Андреевичь сию грамоту докладную подписати велел. А подписал дьяк Иван Тимофеев.
На отгибе грамоты обломанная и сильно затертая черновосковая печать. На обороте внизу писанная обратно тексту надпись: Рядная Ивана Монастырева с кириловскими.
Акты социально-экономической истории Северо-Восточной Руси, т. 2, № 190.


21. Купчая Троицкого монастыря игумена Никона на половину села Юрьевского с деревнями, купленную у С. Я. Зубачева, в Радонеже
Список середины XVI в. Около 14001410 гг.
Список с купчие з Зубачовские. Се яз, Никон игумен, купил есми полсела Юрьевского у Семена у Яковля сына у Зубачова, его отчину, и з деревнями: Филипково, Водомерово, Плищево, Левон ково, Пышковское, что в Радонеже. А дал есми на тех землях 30 рублев и полтретья рубля, а пополнка дал есми лошак. А купил есми к монастырю овятыя I роица.
На то послуси: Михайло Елизаровичь Редриков, Василеи Тормосов, Семен Казанов, сын его Василей, Фауст Петров.
А грамоту писал Варлам чернец.
Подпись на купчей: Михайло да Василей запечатали одною печатью Михайловою. А Васюк да Фауст с Семеном запечатали одною печатью.
Акты социально-экономической истории Северо-Восточной Руси, т. 1, № 15.


22. Заемная закладная кабала Никифора Перхурьева сына, заложившего в 7 рублей участок на Ровдине горе племянникам Давыду и Онанье, поповым детям Яковлевым
Подлинник 1504 г., около 4 января
Се яз, Микифор Перхурьев сын, занял есми у Да- выда да в Онаньи у Поповых детей у Яковлевых у братных семь рублев московских денгами. А в тих есми денгах заложил Давыду да Онаньи на Ровдине горе вочине своеи участок, что ся мне достало наделу от братьи своеи, двор и дворище, горьнии земли орамыя, да и юръмольскими земли орамыми пожни, да и с кунными землями з горъными с орамыми, да и с юръмольскими землями орамыми, и с пожнами. А ти земли купил есми у братных дете у Васильевых у Павла да в Михаила, от святого отца нашего Феоктиста месяца генваря в четверъты день да до Николина дни до вешнаго. А не поставит Микифор Перхурьев сын на срок на Николин день денг, ино ся закладная грамота и купьчая дерная.
А на то мужи: Федор Есипов, да Павел Григорьев сын, да Яков Захарьин сын, да Захарья Фефилатов сын.
А закладную писал Иванко Онтоманов сын, лета 7000 вторагонадесять.
Акты социально-экономической истории Северо-Восточной Руси, т. 1, № 650.

 Датируется временем игуменства Никона, который был игуменом с 1392 – 1427 г. С перерывом в 1392 – 1403 гг.
 Возможно, «куму», так как в XV в. «о» и «у» писались очень близко по начертанию.
 Значительная часть первой грамоты утрачена, сохранился ее конец. Основания для датировки: грамота написана до смерти митрополита Алексея, в 1378 г., вероятнее в связи с походом Дмитрия Ивановича на Тверь в 1375 г.
Вторая грамота написана после 13 апреля 1389 г., когда уехал из Москвы митрополит Пимен, и до 16 мая 1389 г., когда у Дмитрия родился сын Константин.












Приложенные файлы

  • doc 26542547
    Размер файла: 101 kB Загрузок: 0

Добавить комментарий